آلمنتديـآت آلآدبيـــه
حتى والنوم أمدهشني تخطر ديمه يا واحشني
قيسك ياعيني مسحوره ننهى فيك وتمشي شوره
غلاكم عندي موش اشوي وحق الحي بعدكم مانبي شي
اثنين قاسمات الكبد غلاك ياعزيز وغيبتك
ياالعزيز اعزق مافيدك قرب جاي الروح اتريدك
كلام أمصوقر موش أقطاف علي أتعزو ياالولاف
ساعة اخروج الروح هضاك وين ياغوالي تنتسو
غيابك ياالعزيز علي بعذرك ولا تمكر في
إيريح روحه يشرب من البحر ولايفجر روحه اللي ماعرف أزويلك إيريح روحه
العين رايفت والتغطيه تعبانه انطول الغوالي كيف يا ليبيانا
لا يغفل ولا ينساك العقل ياعزيز دوم جابدك
لاريش ولا جنحان بيش انطيرو وامرايف عليك وايش إنديرو
نسهى ونقسى إندير روحي ناسي نلقاك وسط النبض وبين انفاسي
أمغير تبقى راضي انسيب الدوا ويبرن جميع أمراضي إلاجفاك مانحمله
خايف إيسير اعباده غلاك اللي سطا علي القلب نين تمادا يارب سترك
لو حسيت بالم في رجليك ماتستغربش هضا من كثر ماأتجي وتمشي علي بالي
يا قلبي وسعلي بالك مامن حاله أصعب من حالك
كبدي والريه وأجنابي ذايب ذوب علي غيابي
تحسابني بلاك أنحمل عقلك عطيب ياصاحب الغلا
ياجميل الروح يبرن علي حسك اكبار اجروح يابال شوفتك
ياالولاف علي أغليتو قطعه من كبدي تميتو
ميت فيك الله يرحمني ياظالمني حتى من نومي حارمني
ننساهم وانقةل انسيت يسرح العقل نلقاه عندهم
يانوم كيف الراي لاجيت ولا جبت العزيز أحذاي والليل أمطوله
أنعزك معزه ربنا عالمها لاريح ولاموج البحر يهدمها
كل خيال أنقول اولافي خايل في الاوهام أريافي
كل الكلام اشوي في وصفك يا العزيز علي لو كان نكتبه
رن وسكر في قلب مايحمل بلاك وفيك إيفكر ماتخاف نفتح عليك رن وسكر
وين ماكبدنا خلانا العزيز في الاوهام وحدنا خيبرجانا فيه وين ماكبدنا
حيلك حيلك القلب والعقل والروح ماممنوعيلك ذايبات فب طيف ازويلك
يا ريتك يانوم اتجينل واتجيب معاك غوالينا
وين ما أتغيبو مده حال غايتي ناخذ نفس ماانرده لين ترجعو
العقل في افراش الموت تعال ياسبب داه وساوله
تنهيده اتشق الصدر اعزاز وين عالبال يخطرو
ياالولاف انجيكم سرقه كلا من كبدي المنحرقه
إيجيلك يوم وحق الله أتريد سموحي ماتلقاه
يامرهون نفديك بروحي ببكاي وتسطير أجروحي
إغيابك داير جو قلق النوم سرق وجيج انكان اتريد الحق
برشابرشا خارب أمكسر ماأتجيبه ورشه ملخبط بلاك العقل برشا برشا
اتموت ياقديم بداك جديد الغلاء لو كان تنظرا
بين القديم وصوبا وبين الجديد اللي جميل اسلوبا احتار خاطري .. 0 0 بين القديم وياسا وبين الجديد ونظرته والباسا مازال خاطري حاير أكثر وسواسا سامر الليل وماغفنش أهذوبا
تلذيع القديم اقهرك .... اندرتي جديد ياعين شاوري
يالقديم وراك انراجع ....مانذكر غير مواجع..¤
يامرسال اخلطني بيهم ميت موت ارياف عليهم...
واثق بيت غلاي امعنه.موكل ارياح ايواطنا.
وحق الله الي يصبر في يوم بلاي نصبر طول العمر بلاه
نرجاهم على ماهلي، أصحاب الغلا نين يقسموا
نظلم انخاف كان حكيت ..ونخاف كيف نكمي ننظلم
ننساه مانموت عليه الي ماعرف قيمة الغلاء
هف قديم اودرناليله مادرنهايوم رحيله¤
نحسابك يا عين اعقلتي~نضتي قلتي~وين عزيز وصوتك شلتي.
ميت لي زمان دفنت "صوب قديمين اتعيش انت
مقيوله ويقولوا فيها..كيد النار علي واطيها.
مشيت مرمدة ياعمر ..تلذيع نار وجروح من ناس كانو عزوتك.
ما على الله صعيب خلق لولاف يابال قسمهم
ماتنام ونامت ::: كفارة 3 ايام عيني صامت:::حلفت بعدكم ماتنام ونامت:::
ماهي عليك غريبه¤ ياقسم لوتنوي عزيز اتجيبه
لاجديد جد ولابلاه أحملنا: غيابك علينا هو اللي قاهرنا
لاعاد جديد لاعاد قديم § لنا زمان كارهين الغلا.
لوكان غير جابوا عذر أعزاز عالخطا سامحتهم
لوماهف قديم فجعنا.........في تغفايا قبل اطمعنا
كي نرقد في الليل دقيقه...........تخطر يايوم التفريقه
يلي عالمرهون رميتي.........راكي عالنار اداعيتي\
اللي مايبكي تخنق فيه........العبره من فرقة غاليه
كان اتريد أنطفي نارك...........واطي يالمرهون انظارك
شاطت نار جديد امعانا............تريح يالقديم انسانا
نبكي موش غلا في اعيونه ..............وجعتني ياناس الخونه
قلبي يالمرهون عطيتك.......يحشم فيك وفي ذريتك
قتله ياياس خطانا...........قال امعاكم للجبانة
ياسي مو ناوي تحويله............دق اخيام وجاب اعويله
الله لايردك يالقديم...........إنكان الرده بالتلويم
عزيز فتفتك ياكبد@ اسملا عليك انما قسم
عزيز وين ماننسوه اتجي العين فالعين نوحلوا
خان غلاي وقسمي لطه** **خنجر بين اضلوعي حطه
الي ما قاس النار ايقول----امغير اصبر شده وتزول
عزيز اقسامه ريح خريف** **ايطلن ماتعرفهن كيف
سيل الياس خذاناسرقه----لا غيم لا شكع برقه
خايف بعد التخلي يزيد حنيني ايجي يوم ترحل فيه وتخليني
خايف بعد التغلي يزيد غلاك ايجي يوم ترحل فيه وما نلقاك
والعين تسمر في رجا مرجاك وسط الظروف القاسية اتخليني
خايف بعد التغلي يزيد حنيني
ان شاء الله تعجبكم حبوبة
